முழுமதி!!! – வேலணையூர் லிங்கா!

Standard

மல்லிகை மொட்டுக்களை 
வான் வெளியில் தூவியது போல்!
நட்சத்திரங்கள் நடுவானில் கொட்டிக்கிடக்க....
அழகான முகம் காட்டி
முகில் மறைவில் உடைமாற்றி..
மொழி பேச நீ மறுப்பாய்
ஒளிவீசி எமை அழைப்பாய்!

அண்ணன் சூரியனின் 
பார்வை பட்டால் மட்டும் ஓடுகிறாய்?
கண்னெதிரில் படாமல்
உன் முகத்தை மறைக்கிறாய்!
இரவுதனில் நீ வந்தால் 
உறங்கும் உள்ளங்கள் விழித்துக்கொள்ளும்!
உன் பார்வை பசுமை என்று
உறவுகளும் நினைப்பதுண்டு!
வட்ட நிலா உன் முகத்தை 
எட்ட நின்று பார்க்கையிலே!
தட்டதனில் உணவு தந்த 
தாயின் நினைவு தோன்றுதிங்கே!
முத்தமதை சுத்தம் செய்து
கூடியிருந்து  கதைஅளந்த ..
நினைவுகளும் வருகுதிங்கே!!!

கார்முகிலில் நீ மறைந்து
ஓடி ஓடி  ஒழித்தாலும்!
கற்பனைக்...கவிஞ்ஞர்கள் உன்னை 
கண்டுகொள்ளாமல் போனதில்லை!
தேய்பிறை என்பார்கள்
வளர்பிறை என்பார்கள்!
பிறை நிலா என்பார்கள்
தேன் நிலா என்பார்கள்!
உன் நிலை புரியாமல்
உலகத்து பொய் எல்லாம்
உன் பெயரில் சொல்வார்கள்!
அழகான பெண்ணைப் பார்த்து 
அழகுநிலா என்பார்கள்!
கறுப்பான பெண்ணைப்பார்த்து
அமவாசை என்பார்கள்!

என்றும் முழுமதியாய் இருக்கும் உன்னை..
குறை கூறும் மதியற்ற கவிஞ்ஞர்களே!!
உன் மதியதனில் பதியவையுங்கள்!!
என் நிலாவிற்கு உடல் ஊனம் இல்லை என்று!!!
Advertisements

அதிகாலை முழுமதி..! – பாரதி கணேஸ்

Standard

அதிகாலை முழுநிலவை 
காண்கிறேன்...! 
விண்ணில் அல்ல 
என் வீட்டு ஜன்னலில் 
உன் முகமாக...!

முழு சிந்தனையும் 
உன் கற்பனை
மதி முழுதும் உன் நினைவு
இப்படி முழுநேரமும் உன்னை 
முழுமையாய் யாசிக்க நினைக்கிறேன்
நீ என் வாசல் வந்து 
மடி மீது தவழ்வது எப்பொழுது? முழுமதியாக!!!

முழுமதியாக வந்துவிடு…! – அருளினி.சிவனேசன் (லண்டன்)

Standard

எத்தனை இரவுகள் 
உன்னிடம் நான் பேசியதுண்டு
அத்தனை இரவுகள் 
உன் மௌனம் தான் பேசியதுண்டு
தினம் தினம் நீ தேய்வதைக் கண்டு
என் பேதை மனம் வாடியதுண்டு
 
அடிவானம் சிவக்க 
அந்தி மாலை 
பொழுது வந்து பிறக்க
விண்மீன்கள் ஆங்காங்கே 
கண்ணைச் சிமிட்ட

சில்லென்ற தென்றலில் 
தென்னோலை சலசலக்க
மெல்ல நான் வந்து 
யன்னலை திறக்க

மரங்களுக்குள் ஒழிந்து நீ சிரிக்க
வானலையில் தவழ்ந்து வரும் 
மெல்லிசையில் நான் திழைக்க

நம் சந்திப்பில் கண்ணு வைத்து
வெண்திரைகள் உன்னை மூடி மறைக்க
உன் முகத்திரையை விலக்கி 
நீ என்னைப் பார்க்க
உன் காந்த ஒழி 
என் முகத்தில் பட்டுத் தெறிக்க

என் அகமும் முகமும் 
மலர்ந்திடுமே உன் வரவால்
 
நீ மட்டும் தேயாதே 
தேய்பிறையாக - அங்கே
நான் மட்டும் 
தனியாக வாடுகின்றேன் - இங்கே

வான் மதியாக வெகுதூரத்தில் இருக்கின்ற நீ
முழுமதியாக வந்துவிடு எனக்காக நீ...!
 

முத்தம்… லக்கி

Standard

முத்தம் இதன் அர்த்தம்
அவர் தத்தம்  உறவுகளுக்கேற்ப
நித்தம் கொடுத்திடுவார்

அன்பு நெஞ்சங்களாய்
அளவிட முடியாத அன்பின் ஆழத்தை
அள்ளியே வழங்கிடுவார் 
அன்பு முத்தத்தினால்

முந்தி தவமிருந்து
முன்னூறு நாள் சுமந்து
புவிதனில் பிறந்ததும்
உச்சி முகர்ந்து அன்னை
அளித்திடும் அன்பு முத்தம்

ஆசை ஆசையாய் தூக்க வந்த
தந்தையின் கன்னத்தை தன் பிஞ்சு
விரல்களால் அடித்து
வலிக்குதா அப்பா என்று கேட்டு
எச்சில் பட முத்தமிடும் மழலை முத்தம்

கூடப் பிறந்தோரும்
கூடி ஓடி விளையாடுவோரும்
கூட வரும் உறவுகளும்
கொஞ்சி பேசும் குழந்தையிடமும்
கெஞ்சியே வாங்கிடுவார் பாச முத்தம்

பக்கத்தில் இருந்து மட்டுமல்ல
காற்றில் பறந்தும்
கடிதத்தில் புதைந்தும்
தொலைபேசி தொடர்பிலும்
பரிமாறும் ''இச்'' என்று ஒரு முத்தம்

அன்பின் அமுத சுரபியாய்
அனைத்து உயிர்க்கும் பொதுவாய்
அகில உலகமே பரிமாறும்
அன்பின் சின்னம் முத்தம் :*

தொலைபேசி முத்தம்!!! – ராஜன் கட்டார்

Standard

முக்கனியே மாமன்வீட்டு மல்லிகையே
செல்லமாய் மழலைமொழி பேசிடும் 
எம்வீட்டின் குலவிளக்கே

தத்திநடந்து தொத்தி தாவி மாமன் தோளில்
தொங்கி விளையாடுவதாய்
நீண்டநாளாய் நித்திரையில் ஒரே கனவு

சுட்டியாய் பேசி துடிதுடிப்பாய் 
குறும்பு செய்யும் குட்டி அவள்
ஆசைமாமா என்று செல்லமாய் அழைப்பால்
அடுத்தகணமே மாமன் இவன் 
உடல்மெய்சிலிர்த்து நிற்ப்பான்

பாசமாய் கட்டிஅணைத்து 
உச்சி மேர்ந்திட என் மனம் ஏங்குது
தொலை தூரமதில் இருப்பதால் 
உன் குரல் தொலைபேசியில்ஒலிக்குது
அதை அனுதினம் கேட்பதால் 
என் உள்ளம் உவகை அடையுது
செல்லமே,என் சுயாக்குட்டியே
என் தொலைபேசி ஒலிகேட்டு  
மூச்சிரைக்க ஒடி வந்து நீ தரும்
அன்பு முத்தங்கள் என் கன்னங்களை கற்பனையில்
உன் எச்சிலினால் நனைக்குதே
என்குட்டி தேவதையே தொலைபேசியில் 
நீ தரும் அன்புமுத்தங்கள்
மாமன்  இவன்  கன்னங்களை
நிஜமாய் நனைத்திட 
இறையருள் வேண்டியவனாய் உன் மாமன்!!!

தாய்மை முத்தம் – பாரதி கணேஸ்

Standard

காதலியின்  செவ்விதலோடு
சேர்த்தணைத்த முத்தம்
அது முத்தம்மல்ல

மூன்றுமுடுச்சு போட்டு
முந்தானை மூடி கொடுக்கும் முத்தம்
அது முத்தம்மல்ல

அறுபது வயதாகியும்
கணவன் மனைவி  கொடுக்கும்
அனுபவமுத்தம்
அது முத்தம்மல்ல

காலைகதிரவனாய் மாலைசந்திரனாய்
அந்திமலையாய் தென்றல்காற்றாய்
மலரின்மனமாய் முழுபவுர்னமியாய்
புதன்கிழமை அதிகாலை 7:18 க்கு அவதரித்த
என் மகளே! மயக்கநிலையும் தாண்டி
பாரதி உன் மகள் என்றவுடன்
கண் விழித்தேன்
ரோஜா இதல் கண்ணங்களை கண்டேன்
கண்களின் ஓரம் ஈரம் தாய்மையை உணர்ந்தநேரம்
உச்சியினை நுகர்ந்து வறண்ட இதழால்
முத்தம் ஒன்று இட்டேன்
சிர்ப்பியில் இருக்கும் முத்து
உதிர்ந்து ஒன்றாய் சேர்வது போல
சுரக்கும் தாய்பாலை
குழந்தை அருந்தும் போது உண்டாகும்
சுகத்திற்கு ஈடானது
இந்த முத்ததிற்க்கு உலகில் உள்ள
மொத்தத்தையும் கொண்டுவந்தாலும் சுத்தமாக ஈடாகாது.

ஒரே முத்தம்!!! – அருளினி.சிவனேசன் (லண்டன்)

Standard

டிங் டொங் மணி ஓசை!!
 
விரைய்ந்து சென்றேன்....கதவைத் 
திறந்து பார்த்தேன்
 
வாசலிலே பாசலுடன்..... நின்றிருந்தார்
 
வாசலிலே நிற்க்கிறீங்க
உள்ளே நீங்க வந்திடுங்க
 
பாசலைத்...... தரத்தான் வந்தேனுங்க!!!
 
வாசலுடன் போனால் எப்பிடியுங்க?
 
ஆட்டோவில்தான் ...... வந்தேனுங்க 
மீட்டருக்கு..........  காசு கேப்பானுங்க
 
மீட்டருக்கு மேல் போட்டுத் தாரேனுங்க
உள்ளே நீங்க வந்திடுங்க
 
ஆட்டோவுக்குள்...... அம்மாவுங்க!!!
சுணங்காமல் வரச் சொன்னாவுங்க
 
பணங்காசு ஒண்ணும் வேணாமுங்க
உங்க வெகுமதியே..... நான் தானுங்க
 
வெறும் மதி்யான என்னை
உங்க திருமதி....... ஆக்கிடுங்க
 
சொக்கிப் போன..... என் அத்தான்                                
என் மீது பதி்த்த
அந்த ஒரே முத்தம்.......
 
அதில் சிக்கித்தவித்த....... நான் 
விழித்துக் கொண்டேன்
 
நீண்ட அந்த ....சொப்பனத்தை விட்டு!!!