பிள்ளைப்பாசம் – திருமதி.ஷக்கீலா ஸ்ரீதர்

Standard

விழுங்கிய சோறு

தொண்டையை அடைத்தது

பிறந்த குழந்தை எச்சம்

என்றவனின் சொல் கேட்டு!!!!!

 

இந்த குறுங்கவிதைகள்,  படித்து சுவைத்தவை

முதல் கவிதை:

கிணற்றில் குழந்தை
தவறி விழுந்த
சேதி கேட்டு
ஓடி வந்தார்கள்,
காடு கழனிகளுக்குச்
சென்றவர்கள்!

பதற்றத்துடன்
பரபரப்புடன்
எல்லோரும் தேடினார்கள்
அவரவர் குழைந்தைகளை.

இரண்டாவது கவிதை:

மெள்ள நகரும்
பேரூந்தின் ஜன்னலில்
அவசரமாய் கையேந்தும்
பிச்சைக்காரியின்
இடுப்புக்குழந்தை
டாட்டா காட்டுகிறது,
பஸ் பயணிகளுக்கு.

மூன்றாவது கவிதை:

உனது தந்தையின் இறப்புச் செய்தி
ஈ-மெயிலில் வருகிறது.
சாப்ட்வேர் சிலந்திவலைப் பின்னலுக்குள்
தகப்பன் நினைவுகளைத் தேடிஎடுத்து
கொடுக்கப்பட்ட சிறு இடைவெளியில்
கொஞ்சமாய் அழுகிறாய்.
உயிர்மீட்க உதவாத உனது டாலர்களோடு
நீ வந்து சேரும்போது
எறிந்த சாம்பல்கூட எஞ்சியிருக்காது.

Advertisements

பிள்ளைப்பாசம் – பாரதி கணேஸ்.

Standard

என் இருபத்தாறு வயது
உடலைத் தூக்கிக்கொண்டு
சிறுபிள்ளைபோல்
துள்ளிக் குதித்தோடி
உன்னைத் தொடர்ந்து வருகிறேன்….

துள்ளி ஓடும் உன்னை
துரத்திச் சோர்கிறேன்…

சின்ன சிறு
கையுயர்த்தி எச்சரிக்கிறாய்…

நான் தொடர்ந்து வருகையில்,
நானே எதிர்பாராத வேளையில்
திடீரெனக் கையிலேந்தி
என்னைக் கொஞ்சுகிறாய்….

மொழியறியா நாய்க்குட்டிபோல்
என்னை சுற்றிச் சுற்றி வருகிராய்….
உன் முத்தங்களின் ஈரத்தில்
சற்றே இளைப்பாரவைக்கிறாய்… .

மாடு “பேவ்…’ எனக் கத்தும் என்கிறாய்,
பூனே…மியா என்கிறாய்,.
இரண்டையும் பார்த்துவிட்டால்
காப்பாக்கு!! பர்த்திம்மா என்கிறாய்….

உனது சொல்லாட்சியில்
தமிழும் தகதகக்கிறது!

இருவரும் குதூகலித்துக் குதித்தபடி,
குளியல் போட்டு
வெளியே வருகையில்,
நான் உனக்கு துவட்ட…
துண்டை இழுத்து நீ
என்னக்கு தூவட்டுவாய்…
அங்கே என்
அன்னை முகம் வந்து போகும்…

உள்ளங்கையில் சோறு பிசங்சு
விரல் நீட்டி, ஒப்புக்கு
நீ ஊட்டி விடும்,
உன் கிரிசி பொம்மை,
அயர்ந்து உறங்கி விடும்…
ஆனால் உன்கண்கள்
தூங்குவது இல்லை…

உன்னை நான்
தூங்க வைப்பதுபோல்
பொம்மையை
நீ தூங்க வைக்கையில்,
தாயின் பிள்ளை பாசம்,
அங்கே தோற்று போய்நிர்க்கிறது….

உன் விம்மல் தாலாட்டில்
நம் வீட்டு ஊஞ்சல் கூட
அயர்ந்து தூங்கிப் போய்கிறது.. !

இரவு தூக்கத்தில்
பதறி அழுவாய்..
பயந்து பார்ப்பேன்
பிறகு சிரிப்பாய்
பாட்டி சொன்ன கதை
நினைவுக்குவரும்
கனவில் நரி அம்மாவைத்
தூக்கிச்சென்றால் அழும்,
அப்பாவைத் தூக்கிச் சென்றால்
சிரிக்கும் என்று…

தங்கமே உன்
அருகில் தான் இருக்கிறேன்
உன் பிள்ளை பாசத்தில்
தாய்பாசதையும் வென்றுவிட்டாய் .
என் வாழ்க்கையில்
பெரும் புதிர் நீ
என் வானுக்கும்
நிலத்தக்குமான உன்
சிறிய சிறகசைவில்தான்
அவிழ்ந்துகொண்டிருக்கிறது

மீதமிருக்கும் என் நாட்களுக்கான
ஆதாரமே நீ தான
உன் சிறு வார்த்தையில்
ஓர் ஒற்றைச் சொல்லில்கூட
நான் பாதுகாப்பாக நினைக்கிறன்

பேசிக்கொண்டே இரு
கேட்டுக்கொண்டே இருக்கிறேன்
உன் பேச்சுகள் தீர்ந்தெஞ்சும்
மௌனம் போதும் என் செல்லமே..
உன் ஒளிரும் கண்களில்
அன்னை முகம் காண்கிறேன்
இதுதான் பிள்ளை பாசமோ…!

காலைச் சூரியன்…! – லக்கி

Standard

இளங்காலைப் பொழுதின்றில் 
செங்கொண்டைச் சேவல் குரலெடுத்துக் கூவ 
பறவையினம் சிறகடிக்க 
வண்டினங்கள் ரீங்கரிக்க 
குயிலினங்கள் இசைபாட 
வட்டக் கதிரவன் முகம் மலர
எங்கும் படர்ந்திருந்த மார்கழிப் பனி விலக
சூரியனின் ஒளி பட்டு கண்கள் கூச
இதற்கு மேலும் தூங்க முடியாமல்
படுக்கையை விட்டு எழுந்ததும்
கதிரவன் தன் இளங்கதிர்களால் 
என்னை செல்லமாக வருடி வாழ்த்த
ஆதவனின் வரவிற்காய் காத்திருந்த
சூரியகாந்தியும், தாமரையும் 
கதிரவனின் செம்மஞ்சள் கதிர் பட்டு மெல்ல பூக்க..
விடிந்தது அதிகாலை
நேற்றைய காலை இறந்து போயினும் 
இன்றைய காலை நிகழ்ந்து போயினும் 
நாளையும் காலை வரும் என்னும் நம்பிக்கையுடன் 
காலையிது காலையிது  என்று
பாடிக்கொண்டே பரபரப்பாய் 
தன் பணி செய்ய கிளம்பிவிட்டான்...

அதிகாலைச் சூரியன்! – வேலணையூர் லிங்கா!

Standard

கோலமயில் ஆடுவதும்
கோழிகள் கூவுவதும்!!
கரும் காக்கைகள் கூடுவதும்
குயில் இனங்கள் பாடுவதும்!!
கதிரவன் வரும் நேரம் என்று
நினைவூட்டீ சொல்கின்றன!
உறக்கத்தை கலைத்துவிட்டு
உறவுகளுக்கு இரைதேட...
பறக்கும் இனங்களும்
கதிரவனின் வருகைக்காய் காத்திருக்கும்!!

தலை சாய்ந்த புதுமலர்கள்
உன் வருகைக்காய் காத்திருக்க!!
பனி மழையின் தேன் துளிகள்
புல்தரையில் பாய்விரிக்க!!!
கடல் அலையின் அலைஒலிகள்
காதோரம் இசைமீட்ட!!
தமிழ் வானொலியின் 
இறைகானம் காற்றோடு கலந்துவர!!
அதிகாலைச் சூரியனின்
அரங்கேறும் நேரம் அது.. கரும்பாக இனிக்கும் அது!!

இருட்டினை அது கிழித்து
மஞ்சள் பூசி அது குளித்து!
உயிரினங்களை அது மதித்து
கடும் சூட்டினையும் அது தணித்து!
அதிகாலையில் வந்திடுவாய்
அன்பு முத்தம் தந்திடுவாய்!!
அதிகாலைச் சூரியனின்
அழகு மிகுந்த தூரிகையால்..
வெண் மேகங்களில் 
நிறைந்திருக்கும் எண்ணற்ற ஓவியங்கள்!

விண்மீன்கள்  விலகிச்செல்ல
வெண்ணிலவும் ஒதுங்கிக்கொள்ள!!
பறவை இனங்கள் இடம் பிடிக்கும்
விமானத்தின் பாதைகள் தடம் பதிக்கும்!
அதிகாலைச் சூரியனின் அற்புத வருகையது..
அன்னையவள் நாட்டினிலே
அர்த்தமுடன் மலர்கிறது!!
அன்னியவர் நாட்டினிலே
அதிகாலை சூரியனின் வருகையது!!
அகதிகளின் வாழ்க்கைபோல்
மறுக்கப்பட்டு மறுக்கப்பட்டு மலர்கிறது!!!!

உன் பார்வையே சூரியனாய்… தயா பிரதீப்

Standard

அன்று நீ பேசிய மௌனங்கள் அது
இன்று என்னை சுட்டெரித்த உன் கோபம் அது
பாறையாய்...இருந்த என் மனதையும்
சுக்கு நுறாய்....உடைத்த பார்வை அது

சூரியன் வந்துதித்த சுவடாய் நீ
எதிபார்த்து காத்திருக்கும் வானமாய் நான்
அதிகாலை சூரியனாய் ...ஒருமுறை உதயமாகிவிடு
விடியட்டும் என் வானமது மீண்டும் 
உன் பார்வை பட்ட சூரியனாய்!!!

உதய நேரத்து காலை சூரியன் – பாரதி கணேஸ்

Standard

சேவலும் மயிலும் கூவ
அதிகாலை வேளை
மேகம் முடிய வானம்
முகம் காட்ட துடிக்கும்
நீலகடல் பரப்பில் இளன்சுரியன்

இளன்சுரியனோ
செக்கச்செவேல் என்றிருக்க
கடல் நீரோ
நீல வண்ணம் கொடிருக்க
மனதை பரவசப்படுத்தும்
உதய நேரத்து காலை சூரியன்

தொலைந்து போன மேகத்திற்காக
கரைந்து  உருவாகும் வானம்பாடி
பூக்களில் மகரந்தம் தேடிடும் ஈக்கள்
வண்ணமாய் பறந்து திரியும் வண்ணத்துப்பூச்சி
காலை சூரியனின் கனிந்த ஒளியிலே
அசையும் பொருள்கள் அனைத்திற்கும் உயிர் தந்து
ஓரறிவு முதல் ஆறரிவு வரை எல்லா
உயிர்களுக்கும் ஜீவாதாரம் ஆன சூரியனே
உலகிலுள்ள சகல ஜீவன்களின்
புண்ணிய பாவங்களுக்கு சாட்சியாய் இருப்பவனே
காலைசுரியனே உனக்கு என் நமஸ்க்காரம்

காலைச் சூரியன்!!! – அருளினி.சிவனேசன் (லண்டன்)

Standard

தீப்பெட்டியினை தடவி எடுத்து
குப்பி விளக்கினை ஏத்தி வைச்சு

அரிக்கன் லாம்பு தனை கையில் கொண்டு
கிணற்றில்  இரண்டு குடம் தண்ணி அள்ளி

மாட்டுத் தொழுவத்தைக் கூட்டிப் பெருக்கி
தொட்டுத்தடவி மாட்டுப் பாலும் கறந்து

சாணி கொண்டு மண் அடுப்பை மெழுகி
காய்ச்சிய பாலில் சுடச் சுடக் காப்பியும் போட்டு

அத்தானை எண்ணி என் கையில் எடுக்கையிலே 

தன் சிறகுகளை ஒருதரம் அடித்து

அக்கக்கா கொக்கரக்கோ
அத்தான் வந்தாரா......
கொக்கரக்கோவென்று

வேலியில் பாய்ந்த சேவலும் கூவிட

வாரிய கூந்தலை அள்ளி முடித்து
கட்டுமரம் கண்ணுக்கு தெரியுதா வென்று 

வாசலில்  நான் கால் வைக்கயிலே

வெள்ளிக் கதிர்களை அள்ளி வீசி
வெண்பஞ்சுக்குள் ஒளிந்து நின்று  

தன் மஞ்சள் முகம் தனைக் காட்டி
வானம்  அதில் அவன் எழுந்துவர 

கரை ஏறிடுவார்....... என் அத்தான்
காலைச் சூரியனின் துணை கொண்டு!!!!